Внукот од брат на лидерот на владејачката ДУИ, Али Ахмети, Дрин Ахмети продолжува да биде топ тема во јавноста, но и во медиумите.
Како што е познато, тој за без пари се стекна со 39% од “Соравиа“, а неговото име како сопственик, косопственик или управител фигурира во четири фирми.
КОД, кој се емитува на телевизијата Телма го исцрта братското стебло на семејството на Али Ахмети.
ПОВРЗАНИ ВЕСТИ
Кој е Дрин Ахмети, внукот на Ахмети кој ќе поседува 39% од „Соравиа„
Каков имот пријавил Али Ахмети
Според КОД, 39%-те проценти од Соравиа се уште не се заведени на име на Дрин Ахмети во Централниот регистар, но му се заведени сопственички или управителски позиции во четирите фирми: „Тхор индустрис“, фирма за за развој на градежни проекти со подружница за компјутерски консултантски услуги, „Еверест ЏД“ која се занимава со нискоградба и која има лиценца за ископ на минерални суровини и лиценца за хидроцентрала, „Хелиос плант“ и „Потам плант“, кои се фирми за производство на струја.
-Поврзаноста на фирмите го открива и братското бизнис стебло на семејството на лидерот на ДУИ од Зајас. Дрин и Бесиан се синови на Фекри Ахмети, кој му е брат на Али Ахмети. Со исто презиме веднаш до нив е Шкумбин Ахмети – синот на Ахмети.
Внукот на Али е скромен во поседувањето, сега е дипломат испратен во Брисел од министрите на ДУИ, Бујар Османи и Крешник Бектеши за да прибира инвестиции. Бил економски промотор и на крајот на мандатот на владата на ВМРО-ДПМНЕ и ДУИ.
Сопственик е само на Хелиос Плант, заеедно со братот Дрин и братучедот Шкумбин Ахмети, објави КОД.
Шкумбин Ахмети пак е сопственик на фирмата за производство на струја “Хелиос Плант“, а ја има и фирмата „Архитектас пројект студио“ – Зајас.
-Во бизнисот за струја влегува со фирмата „Тхеас енергу“, а преку таа фирма влегува и во фирмите “Мега повер“ заедно со израелец и индиец. Минатата недела, синот на Али Ахмети преку Енергу добива удел и во фирмата “Мега С Повер“, што е официјално заведено во Централниот регистар.
Братското стебло од следната генерација на Ахмети е дополнета и со уште еден лик. Куштрим Смаилаи. Тој е зет за ќерка на Али Ахмети. И тој има разгранет список на фирма. Доаѓа од Ѓаковица, објави КОД.
Целото издание на КОД, ОВДЕ.
ПОВРЗАНИ ВЕСТИ
Ќе истражи ли семејниот пријател Абази како внукот на Ахмети стекна 39% од “Соравиа“ без пари
Фото: Телма/Ахмети/Фејсбук