Се приближува крајот на туристичката сезона во Охрид, што е и идеална можност за уживање во она што градот го нуди, без вообичаените гужви.
Плажите се речиси празни, што не е случај со центарот на градот и шеталиштето во вечерните часови.
Охриѓани се жалат на слаба туристичка сезона. Има странци, најголем дел од нив се Срби, иако речиси може да се слушнат лепеза од јазици.
Влијание врз слабата посетеност, според туристичките работници, се последиците од ковид-кризата, економската криза поради војната во Украина, но и политичките влијанија на односите со Бугарија.
Градот не успеа да развие стратегија за продолжување на туристичката сезона која едвај трае 20 дена, што е вистинска штета за град-бисер, и потенцијалот што го има за посета на туристи во текот на целата година.
Оние кои што престојуваат овој период во Охрид, вистински можат да се изнауживаат во убавината, неоптоварена од луѓе.
