Грција ги укина ограничувањата за летовите од Турција, Албанија и Македонија, кои беа воведени за спречување на ширењето на Ковид-19, соопшти вчера нејзиниот орган за цивилно воздухопловство (ИПА), пренесува Ројтерс.
Сите патници од странство ќе треба да покажат дека имаат негативен тест за Ковид-19, направен во рок од 72 часа пред нивното пристигнување, соопшти ИПА.
Тие исто така ќе мора да бидат во карантин дома или во нивното место на престој седум дена.
На патниците ќе им се прави и случајно тестирање. Доколку патниците имаат позитивен тест, нивниот карантин ќе се продолжи на 14 дена.
ПОВРЗАНИ ВЕСТИ
И покрај укинување на забраната за летови од Македонија, се уште не може да патуваме во Грција
Границата со Грција останува затворена најмалку до 5. април
Од 15 февруари се враќаат авионските летови на релација Атина-Скопје