Кандидатите за претседател од СДСМ и ВМРО-ДПМНЕ, Стево Пендаровски и Гордана Силјановска Давкова на големо тераат кампања преку јавно претставување, средби со граѓани и спонзорирани реклами на социјалните мрежи, иако Изборниот законик предвидува почеток на кампањата 20 дена пред одржувањето на изборите односно во овој случај на 1. април 2019 година, ако се земе предвид дека изборите се закажани на 21. април, годинава.
Според Изборниот законик „за изборна кампања се смета јавно собирање и други јавни настани организирани од страна на учесникот во изборната кампања, јавно истакнување на плакати, видео презентации на јавни места, изборно медиумско и интернет претставување, дистрибуирање на печатени материјали и јавно претставување на потврдените кандидати од надлежните изборни органи и нивните програми“.
Надлежна за регулирање на оваа промлематика е Државната изборна комисија (ДИК), која во случај на поднесен приговор за непочитување на одредбите за одржувањето на кампањата е должна да ги испита наводите и да постапи по поднесениот приговор во рок не подолг од 7 дена од денот на поднесувањето на приговорот.
ПОВРЗАНИ ВЕСТИ
(Фото) Кој е сопругот на Гордана Слијановска Давкова
(Видео) Сопругата на Стево Пендаровски открива каков е приватно: Необично духовит и прекрасен татко
Пендаровски не забележал дали сѐ уште го следат
Фото: Фејсбук/Пендаровски/ВМРО-ДПМНЕ