Согласно најновите зајакнати препораки усвоени на владина седница, Македонија го забранува влезот на странски државјани од земјите со висок ризик согласно Листата на Светска здравствена организација (СЗО) објавена на веб страницата на Министерството за здравство.
Во државата ќе можат да влезат само оние кои ќе достават потврда издадена од надлежен орган за спроведен карантин.
Исто така Владата препорачува да се упати апел до државјаните на нашата земја кои живеат во земјите со висок и среден ризик да го одложат доаѓањето во земјата во овој период.
„Се задолжува Министерството за надворешни работи, преку дипломатско – конзуларните претставништва , да ги информира нашите државјани во странство за земјите со висок ризик, согласно Листата на Светската здравствена организација,“ се вели во препораките на Владата.
Во случај на појава од патници на граничните премини од земјите со висок и среден ризик согласно Листата на Светската здравствена организација, истите задолжително да спроведат самоизолација.
ПОВРЗАНИ ВЕСТИ
Превентивно од корона вирусот: Како правилно да се самоизолирате дома?
Детална листа на лица со хронични состојби кои треба да бидат ослободени од работа
Поради корона вирусот во Дебар и Центар Жупа можно воведување карантин
Фото: Влада