Меѓу преживеаните во несреќата во Бугарија е и српски државјанин, кој повреден помогнал во евакуација на патници

Меѓу седуммината преживени во несреќата во Бугарија е и српскиот државјанин Љуљзим Сулејмани од Прешево и неговата свршеничка, Медина Љутфи (25) од кумановско Сопот.

Тие моментално се во Клиничката болница во Софија и се во добра состојба.

Сулејмани за ТВ Клан го раскажаа пеколот што го доживеале на автопатот, кога изгоре автобусот на туристичката агенција „Беса транс“, а животот го загубија 45 лица.

„Автобусот во движење удри од десната страна во тротоарот. Тркалата пукнаа и почна да избувнува пожар и имаше многу чад. Потоа автобусот се движеше 20 метри лево. И сам застана.

Луѓето почнаа да повраќаат, да врескаат како во хорор филмови. Успеав да избегам некако. Подоцна го зедов чеканот во автобусот и го скршив стаклото. Ја извадив свршеницата и уште пет лица, изјави Сулејмани.

Амбасадор Јовић посетио је у болници нашег држављанина Љуљзима Сулејманија, који је јутрос повређен у страшној несрећи надомак Софије – и поред повреде, помагао је у евакуацији путника!
Добро се осећа, редовно ћемо га обилазити.
Хвала @SvetlanStoev и @MFABulgaria на помоћи. pic.twitter.com/UZkEGSulyq

— Embassy of the Republic of Serbia in Bulgaria (@SRBinBulgaria) November 23, 2021

Вчера Сулејмани во болница го посети српскиот амбасадор во Бугарија, Жељко Јовиќ.

– И покрај повредата, помогна во евакуацијата на патниците! Добро се чувствува, редовно ќе го посетуваме, се наведува во соопштението на Амбасадата, објавено на Твитер.

ПОВРЗАНИ ВЕСТИ

(ВИДЕО) Осум се деца: 12 лица од исто семејство загинаа во несреќата во Бугарија

Сите биле во роднинска врска: Пет од загинатите деца во несреќата во Бугарија учеле во училиштето “Исмаил Ќемали”

Меѓу нив и мајка со четири деца: 20 од загинатите во несреќата во Бугарија се од Општина Студеничани

Во несреќата во која македонски автобус изгоре во Бугарија, загинаа 12 деца, меѓу кои и двајца близнаци

Фото: Твитер/Српска амбасада