Во Основниот суд Скопје 1 – Скопје, пред судија на претходна постапка, во текот на вчерашниот ден беа спроведени три лица со предлог на Специјалното јавно обвинителство (СЈО) за определување мерка притвор.
По сослушување на лицата како и ценење на фактите и доказите приложени во предлогот, судија на претходна постапка донесе решенија со кои на трите лица им определи мерки за претпазливост.
Според судот, на осомничениот К.С. му е изречена мерката Привремено одземање на патната исправа и обврска повремено да се јавува на овластено лице во судот. На двајцата други осомничени Р.Д. и Т.Г. изречена им е мерката – обврска повремено да се јавуваат во судот во Кочани, односно судот во Гевгелија.
Против овие решенија странките имаат право на жалба, информира Основниот суд Скопје 1.
ПОВРЗАНИ ВЕСТИ
Љубчо Георгиевски за истрагата на СЈО: Немам ништо со приватизацијата на Поштенска банка
Груевски се огласи на Фејсбук за истрагата на СЈО, „Поштенска банка“
Сите детали: „Поштенска банка“ нова истрага на СЈО, кој е осомничен?