Сега веќе поранешната пратеничка на ВМРО-ДПМНЕ, Нола Исмајлоска-Старова, која гласаше за старт на уставните промени, предвидени со договорот за името, за А1он вели дека не се кае што гласала “за“, а најголема поддршка како што вели, добила од сопартијците.
Таа вели дека постапила според сопственото убедување, а ги отфрла шпекулациите дека добивала закани за да гласа.
„Гласав за отворање на Уставот, токму за да придонесам кон подобрувањето на решенијата, а со тоа и да помогнам за процесот. Постапив според сопственото уверување. Поддршката која отворено пристигна од голем број граѓани, а и од меѓународниот фактор, е момент кој треба да се обидеме да го искористиме во наша полза, за нашата татковина.
Одговорно ги отфрлам наводите за некакви закани кон мене при одлуката којашто ја донесов во македонското Собрание. Мојата постапка е исклучиво водена од желбата за просперитет на Македонија“, вели Исмајлоска-Старова за А1он, која потенцира дека не е загрижена за нејзината безбедност, бидејќи добивала подршка од различни страни.
ПОВРЗАНИ ВЕСТИ
Сашо Василевски: Гласав „за“ со чиста мисла и храброст
Ќе има ли смена на Христијан Мицкоски?
Што ги предомисли пратеничките на ВМРО-ДПМНЕ, Александрова и Исмајловска да гласаат „за“
Фото: Собрание