Османи вели оти музејот во Сопот во кој виси слика на Ахмети не бил на УЧК

Музејот во Сопот не бил на УЧК, изјави денеска министерот за надворешни работи, Бујар Османи и покрај фактот што во целиот објект се слават борци на терористичката организација, а на еден од ѕидовите остана да виси и карта на „голема Албанија“.

ПОВРЗАНИ ВЕСТИ

(Видео) „Исчезна“ плочата со картата на „голема Албанија„ во музејот на УЧК во Сопот

Во т.н. музеј е закачена и слика од лидерот на неговата партија, Али Ахмети, кој ја водеше УЧК.

Според Османи и покрај целата поставка во објектот, со која е очигледно, за кој е наменет, тој бил за одбележување на убиството на 60-мина селани во 1944 година, а УЧК како што е познато се формираше децении подоцна.

ПОВРЗАНИ ВЕСТИ

Музејот на УЧК во Сопот не е на приватен имот, туку на државно земјиште и е дивоградба, велат од Општина Куманово

Ахмети, според Османи, бил како поканет како гостин, а за прашањата за сопственоста на имотот, новинарите ги упати кај организаторите.

– Според моите информации, викаа дека е семејно земјиште, семејството тоа го изградило за да ги одбележи соселаните. Ние немаме никаков удел во тоа, само бевме поканети и претседателот Ахмети учествуваше, рече Османи.

ПОВРЗАНИ ВЕСТИ

(Фото) Има ли дозвола за градба музејот на УЧК во Сопот, во кој виси и картата на „голема Албанија„

На приватен имот бил музејот на УЧК во Сопот, вели Ковачевски

Фото: Ахмети/Фејсбук