Не стивнуваат реакциите во јавноста по вчерашното признание на пратеникот Павле Богоевски дека на последната аудио „бомба“ е неговиот глас, но дека не набавувал кокаин, туку масло од канабис.
Граѓаните реагираат дека Богоевски јавно признал кривично дело и дека поради тоа што е носител на јавна функција треба да си понесе одговорност односно оставка.
Останува да се види како ќе постапи МВР односно Обвинителството и дали ќе биде отворена постапка против Богооевски.
Ако се следи досегашната пракатика постапка би требало да има, бидејќи не е мал број на лицата во земјава кои се влечкаат по судови токму поради производство или набавка на масло од канабис, на црно.
Доколку нема постапка против Богоевски и ако тој не си поднесе оставка, сите осудени лица за вакви дела би требало да добијат амнестија, бидејќи во спортивно би било јасно дека во земјава правдата продолжува да се спроведува со различни аршини за пратениците и за граѓаните.
ПОВРЗАНИ ВЕСТИ
Тортевски се огласи за случајот Богоевски: „Пајо оставка веднаш, а другото во ОЈО“
Драган Спасов Дац побара оставка од пратеникот Павле Богоевски
Павле Богоевски за аудио-бомбата од Будимпешта: Нарачував масло од канабис, а не кокаин
Од Будимпешта „експлодира“ нова „бомба“
Фото: Фејсбук/Богоевски