Полициска акција во Скопје: Кривични пријави за Миле Јанакиески и уште 10 лица

Вкупно 11 кривични пријави се поднесени за злоупотреба на службена должност и несовесно работење, се првичните информации од МВР, по полициската акција утрово на неколку локации во Скопје во која се приведени повеќе лица.

Меѓу останатите за кои е поднесена кривична пријава е и поранешниот министер за транспорт и врски, Миле Јанакиески и негови соработници во министерството, двајца нотари, и против едно лице од Агенција за катастар.

Како што соопшти МВР,  Основното јавно обвинителство за гонење на организиран криминал и корупција во соработка со полицијата презема дејствија за обезбедување на осомничени лица на повеќе локации во Скопје.

-По неколку месечна сеопфатна предистражна постапка, денеска по насоки на надлежен јавен обвинител од Основното јавно обвинителство за гонење на организиран криминал и корупција се преземаат дејствија за обезбедување на осомничени лица на повеќе локации во Скопје, појаснуваат од МВР.

МИА

ПОВРЗАНИ ВЕСТИ

„Со парите за бензин од апсење-пуштање на Миле ќе реновиравме еден студентски“: Твитер реакции за новото апсење на Јанакиески

МВР апси поранешни високи функционери, административни службеници и лица кои вршат работи од јавен интерес

Фото: Фејсбук/Јанакиески