Професорот Дејан Трајковски, кој редовно на Фејсбук ја анализира ковид-состојбата во земјава, предвидува нов ковид-бран.
„Дневниот број на нови случаи се наоѓа во „долна мртва точка“ (како што велиме за повратното движење на клипот кај моторите со внатрешно согорување).
Зелената линија на вториот дијаграм повеќе не слегува, напротив завртува за нагоре.
Репродукцискиот број исто така лебди минимално над единица.
Шансите за почеток на нов бран во наредните две недели затоа ги поткреваме на 70%.
Ова не се должи на осмомартовските прослави, дури ни на укинувањето на мерките, во прашање се новите соеви.
Да се надеваме само дека бранот нема да биде многу силен,“ пишува Трајковски.
ПОВРЗАНИ ВЕСТИ
Проф. Трајковски: Неофицијалниот број на починати од Ковид-19 или негови последици изнесува 16.147
Фото: Трајковски/Фејсбук