Сведочењето на поранешниот разузнавач, а сега советник на премиерот Зоран Заев, Зоран Верушевски, на судењето за „Таргет-Тврдина“ предизвика лавина од реакции во јавноста и на социјалните мрежи.
На големо изненадување на јавноста, Верушевски се огради од „бомбите“ и рече дека истите не завршувале кај него, туку кај СДСМ и лидерот на партијата, Заев.
Кога почнаа да се „пукат“ „бомбите“ на јавноста и беше презентирано дека на Заев му ги дал Верушевски.
Тој во сведочењето исто така посочи дека „бомбите“ доживеале страотни модификации по неговото лишување од слобода во 2015 година.
“Факт е дека таа документација дожева стравотна модификација и компромитирање и сето тоа се случува по моето лишување од слобода“, рече Верушевски.
„Бомбите“, поради и кои беше формирано Специјалното јавно обвинителство (СЈО) се спорат уште кога за прв пат беа пуштени од тогашниот опозициски лидер Заев, а нив се „удира“ константно се до денеска, кога не е јасно колку истите ќе бидат искористени во актуелни судски процеси на СЈО и евентуално идни, откако истите пред неколку дена од СЈО завршија во Јавното обвнителство.
За сведочењето на Верушевски се огласи и поранешниот премиер и лидер на ВМРО-ДПМНЕ, Никола Груевски, кој стана азилант во Унгарија, кој на Фејсбук коментира дека ова е најголемата „бомба“, односно дека снимките сепак биле монтирани.
Пред неколку години, кога Заев почна со објавувањето на „бомбите“, во својата прва изјава Груевски рече дека истите биле „сечени, лепени и монтирани“.
ПОВРЗАНИ ВЕСТИ
Груевски се огласи за сведочењето на Верушевски: Ова е најголемата бомба, снимките биле монтирани!