Општина Охрид преку соопштение до медумите најави дека од дневен ред на седницата на Советот на општината закажана за утре се повлекуваат сите точки поврзани со легализирање на бесправно изградени објекти на локации долж крајбрежјето на Охридското Езеро.
Во информацијата се појаснува дека актуелниот состав на Советот на општината досега има донесено 276 одлуки за легализирање на бесправно изградени објекти, со нагласок оти истите се усвоени едногласно.
Од Општина Охрид наведуват дека редовните и тековните обврски на општината, како што е наведено „не смеат да бидат злоупотребувани,за политички поткусурувања и евтина политичка пропаганда“.
Активистите на неформалната Граѓанска иницијатива „Охрид СОС“ минатата седмица јавно ги прозваа општинските институции, пред се Советот на општината, дека на затскриен начин вршат легализација на непосточеки објекти на одреден број атрактивни катастарски парцели на самиот брег на езерото.
ПОВРЗАНИ ВЕСТИ