Во фокусот на грчките медиуми, како што пренесува дописникот на еМагазин од Солун се најде и сопругата на новиот грчки премиер, Киријакос Мицитакис, Марева Грабовски Мицотакис.
Таа има потекло од Грција, Египет и Полска.
Родена е во Атина, во 1967 година. Татко и бил Полјак, а мајка и Гркиња.
Стекнала импресивно образование на универзитети во Бостон, Колумбија и Харвард, каде и го запознала својот иден сопруг во 1995 година.
„Се запознавме преку грчки пријатели на Хравард. Најпрво станавме пријатели…“, рече во интервју неодамна Мицотакис.
Во брак стапиле во 1997 година, а имаат три деца.
Грабовски Мицотакис зборува англиски, француски и турски јазик, а денеска е успешен претприемач. Таа е ко-основач и управител во фирмата Zeus+Dione.
Дванаесет години работела во областа на инвестициско банкарство и управување со средства во Дојче банк.
Претходно ги основала фирмите MG Capital Advisors S.A., советодавна фирма фокусирана на советување на корпоративни и приватни клиенти во управувањето со портфолија и Eternia Capital, компанија за управување со средства која се фокусира на инвестиции во хеџ фондови.
Фото: AP