Министерот за здравство Венко Филипче денеска информираше дека во однос на олабувањето на мерките и враќање на животот во некаква нормала, тоа најверојатно ќе се случи на почетокот или на средината на месец мај.
„По Велигден ќе се разговара за промените на мерките за следните викенди, но повторно нема да биде се како што беше претходно. Нема да се функционира како пред кризата, односно ќе има поинаков распоред од тоа како што сме навикнати до сега.
После секоја епидемија, светот учи. Ние правиме автентичен модел како ќе се организира работата на економските оператори и фирмите. Сигурно дека нема повторно да ја има таа слика на гужви по банките и маркетите,“ додаде Филипче.
ПОВРЗАНИ ВЕСТИ
За велигденските празници, најверојатно полициски час ќе има и во понеделник на 20 април
Стапката на смртност од корона вирусот кај нас е 4,1 проценти, а во светот 6,2 проценти