Нема официјални информации кога и како угостителите во Македонија ќе продолжат со работа, но тие полека се подготвуваат за новиот старт, кој се очекува да се случи месецов.
Угостителскиот сектор е еден од најпогодените од „корона-кризата“, и угостителите со кои разговараше еМагазин не се големи оптимисти дека и реотварањето, ќе им помогне многу, но се е добредојдено.
Пред се поради тоа што сигурно ќе опслужуваат многу помал број на гости, најверојатно ќе работат со ограничено време, но и за почеток ќе можат за гости да ги користат само отворените тераси.
Според нивните информации, се очекува рестораните, гостилниците, кафаните и кафулињата да почнат со работа на 11 мај, но официјална потврда за тоа нема.
Освен дека масите сигурно ќе бидат одалечени до 2 метри, не е познато и до колку часот ќе работат. Некои од нив велат дека до 18, некои до 22 часот. И за оваа информација нема официјална информација.
Не е познато ни како ќе изгледа најавениот протокол за нивното реотварање, меѓудругото и по колку возрасни лица ќе можат да седат на една маса.
ПОВРЗАНИ ВЕСТИ
еМагазин денеска направи обиколка на најпознатите скопски ресторани и гостилници во Дебар маало.
Онаа што забележавме е дека дел од рестораните веќе тестираат како ќе изгледат нивните отворени тераси со помалку маси, но и разделени со плексиглас за дополнителна безбедност, во некои се работи на поправки, во некои не се случува ништо…
