СЗО за „АстраЗенека“: Врската со ретките згрутчувања на крвта е веројатна, но не е потврдена

Советодавната комисија за безбедност на вакцините при Светската здравствена организација (СЗО) соопшти денеска дека причинската врска меѓу вакцината на “АстраЗенека“ против Ковид-19 и ретките случаи на згрутчување на крвта со ниско ниво на тромбоцити, „се смета за веројатна, но не е потврдена“.

Во изјавата издадена по прегледот на најновите глобални податоци, независни експерти велат дека се потребни посебни студии за целосно разбирање на потенцијалната врска меѓу вакцинацијата и можните фактори на ризик.

„Важно е да се напомене дека, иако загрижувачки, ваквите случаи се многу ретки, а мал број се пријавени меѓу речиси 200 милиони лица кои ја примиле вакцината на “АстраЗенека“ против Ковид-19 низ светот“, соошти СЗО.

Најавено е дека Комисијата ќе се состане повторно следната недела со цел да се разговара за дополнителни информации.

ПОВРЗАНИ ВЕСТИ

Згрутчувањето на крвта е можнa нус појава од вакцината на „АстраЗенека“, потврди Eвропската агенција за лекови

Што знаеме за вакцината „АстраЗенека“ и колкав е ризикот?

Колку се безбедни и какви несакани ефекти имаат вакцините АстраЗенека, Фајзер, Синофарм и Спутник В

МИА