Од куќен притвор, Боки 13 спроведен во затворот во Идризово

Бојан Јовановски – Боки 13 вчера околу 15 часот е спроведен во затворот во Идризово, каде треба да ја издржува деветгодишната затворска казна за случајот „Рекет“, потврди за МИА директорот на Казнено-поправната установа „Идризово“, Јовица Стојановиќ.

Јовановски беше во куќен притвор, а спроводот во затвор следува откако Апелацискиот суд во Скопје ги одби како неосновани жалбите на обвинетите и на јавниот обвинител во предметот, во јавноста познат како „Рекет“, и првостепената пресуда ја потврди во целост.

Наредбата Јовановски да биде префрлен во Идризово ја издаде судија за извршување санкции од Кривичниот суд, откако до Судот пристигнала одлуката на Апелација со која се потврдуваат казните.

ПОВРЗАНИ ВЕСТИ

Апелација ја потврди првостепената пресуда за „Рекет“: Девет години затвор за Боки 13, седум за Јанева

Русковска го повика Боки 13, доказите против неа за пристрасно работење за случајот „Меѓународен сојуз“, да ги достави до Јовески

Боки 13 на денешното судење изјави дека Русковска бришела податоци од неговиот мобилен телефон и побара нејзино изземање од случајот „Меѓународен сојуз“

МИА/Фото: МИА