Откако грчкиот Парламент го ратификуваше пристапниот Протокол за членство на Македонија во НАТО за неполна недела земјата и официјално ќе стане Република Северна Македонија.
Наредната недела на зградата на македонската Влада ќе треба да пишува: „Влада на Република Северна Македонија“.
Од Владата неодамна информираа дека се во тек подготовките за замена на таблите на граничните премини, на владините институции и на дипломатско-конзуларните претставништва.
Што следи?
Следно според предвидената процедура е Грција и официјално да ја извести Македонија дека го ратификувала Протоколот за членство во НАТО, по што ќе следува размена на ноти помеѓу двете влади.
Потоа двете држави треба да ги информираат ООН и сите останати меѓународни организации дека новото уставно име на Македонија ќе биде Република Северна Македонија.
Во информацијата ќе стои дека разликите за името наведени во Резолуциите 817 и 845 се надминати и дека Договорот од Преспа стапува во сила.
ПОВРЗАНИ ВЕСТИ
Грција прва го ратификуваше Протоколот за членство на Македонија во НАТО