Во духот на простувањето и помирувањето во државата, јас сум многу транспарентен и ги кажувам своите ставови. На луѓето кои држеа пиштол и веројатно немаа доволно храброст, и како што викаат, чиста мета, им простив. Затоа што животот треба да тече напред.
Ова го изјави премиерот Зоран Заев на прес-конференција во Владата кога беше промовирана новата германска инвестиција, а беше прашан дали на Прочка ќе си простат со Христијан Мицкоски.
„Ние со господинот Мицкоски немаме ништо лично помеѓу себе. Секако употребата на зборовите на нашите јавни настапи зборува и за нас самите. Јас ќе продолжам да негувам позитивен дух. На нашата земја и треба дијалог. Дијалогот е ветер во грб во сите наши аспирации и ќе продолжам во тој дел.
Јас сум исто така човек како и сите вас, тоа повредува и кине, но ако ми е тешко можам да си одам дома. Ако не, продолжувате во тоа што е интерес на државата. Јас ќе продолжам во интерес на државата да го негувам дијалогот“, рече Заев.
ПОВРЗАНИ ВЕСТИ
Митрополит Струмички Наум за Прочка: За вистински да простиме, треба да сме свесни за гревот
Прочка е смислата на верата: Прости и нека ти биде простено
Фото/видео: Влада