Бугарското Министерство за надворешни работи вели дека не се информирани за француската иницијатива, што првиот вицепремиер и министер за политички систем и односи меѓу заедниците Артан Груби ја спомена денеска, информира бугарската агенција БГНЕС.
-Во дипломатските кругови нема таков предлог, соопшти Брисел, пишува БГНЕС.
Претходно, Груби изјави дека постои француска иницијатива за решавање на спорот меѓу Северна Македонија и Бугарија и оти се поднесени одговорите кон сите прашања што ги има испратено Бугарија.
Тој додаде дека чекаат новите бугарски власти, претседателот Радев и новата Влада, да му пристапат на дијалогот околу овие прашања на конструктивен начин, со цел да се постигне зделка што ќе ја отвори вратата на Северна Македонија кон Европската Унија.
ПОВРЗАНИ ВЕСТИ
Постои француска иницијатива за решавање на спорот меѓу Македонија и Бугарија, тврди Груби
И привремениот бугарски премиер Јанев го потврди новото вето од Бугарија
Ветото останува, Бугарија сака да ја одвои Македонија од Албанија на патот кон ЕУ
МИА/Фото: Бугарско МНР/Фејсбук