Министерот за здравство, Венко Филипче на денешната прес конференција информираше дека мајка и четиримесечно бебе од Кочани се лекуваат од коронавирусот на Инфективната клиника во Скопје.
„На Клиниката е примена мајка и четиримесечно бебе од Кочани кои во моментот имаат стабилна клиничка слика, секојдневно се пратат од страна на педијатар со некоја сосема лесна форма на анемија и исип.
Бебето е во стабилна здравствена состојба и без потреба од респираторна поддршка“, рече Филипче.
Пред неколку дена епидемиологот од Институтот за јавно здравје, Владимир Микиќ на прес конференција во Владата, рече дека во Македонија од корона вирусот се заболени 18 деца до деветгодишна возраст.
Микиќ информираше и дека сите деца засега се со лесна клиничка слика.
ПОВРЗАНИ ВЕСТИ
Четири медицински сестри позитивни на коронавирусот во Куманово
Во Домот за стари лица во Битола заболено едно лице од корона вирусот
Притвореник во Шутка починал од срцев удар, но постсмртно се покажал позитивен на корона вирусот