Македонскиот премиер Зоран Заев денеска во рамки на Самитот ЕУ-Западен Балкан во Брдо, Словенија имаше работен доручек со премиерот на Словенија, Јанез Јанша, претседателката на Европската Комисија, Урсула фон дер Лајен, еврокомесарот за проширување, Оливер Вархеј, претседателот на Европскиот совет, Шарл Мишел и бугарскиот претседател Румен Радев.
Како што информираа од Владата на средбата била потенцирана важноста на проширувањето на ЕУ со земјите на Западен Балкан, и било поздравено тоа што за Брисел и натаму проширувањето на Унијата со земјите од регионот останува стратешки приоритет, што се очекува да биде нотирано и во денешната декларација од Самитот.
Премиерот Заев на средбата потенцирал дека народите на Западен Балкан очекуваат декларациите на ЕУ да се преточат во дела, и дека ако ЕУ не дејствува, разочарувањата кај народите од регионот ќе бидат непоправливи и на огромна штета на големата европска идеја за заедништво и соработка.
Словенија од денеска е домаќин на Самитот на кој присуствуваат шефовите на држави или влади на земјите-членки на ЕУ и нивните колеги од Западен Балкан.
ПОВРЗАНИ ВЕСТИ
Фото/видео: Влада