еМагазин
Image default
ЖИВОТ

Гостивар завиен во црно: Меѓу настраданите е и раководителот на Секторот за сообраќај на Град Скопје

Синоќешната вест за 14-те загинати патници Гостиварци во автобуската несреќа на патот Скопје-Тетово, ги потресе жителите на првиот град на Вардар. Многумина на социјалните мрежи од синоќа, а и утрово искажуваат сочувство на роднините на настраданите.

Гостиварци во шок и неверување утрово по трагедијата се претпазливи во коментарите и веста околу идентитетот на жртвите, бидејќи се уште официјално не е потврден нивниот идентитет.

Од кругот на семејството на еден од загинатите за МИА потврдија дека меѓу настраданите е и раководителот на Секторот за сообраќај на Град Скопје кој по работното време се враќал за дома во Гостивар.

Од локалната епархија потврдија дека неговиот погреб е закажан за денеска во 14 часот, а за утре уште два на лица загинати во несреќата. Потврдено е дека меѓу настраданите е и синот на пратеникот Благојче Трпевски.

Жртвите од автобусот се главно лица кои редовно патуваат на релацијата Гостивар – Скопје – Гостивар, како вработени во Скопје и студенти. Токму во терминот на редовната линија на „Дурмо- турс“ во 16 часот и 15 минути компанијата врши превоз на патници со два, па и три автобуса.

Од синоќа речиси сите угостителски објекти ги откажаа прославите најавени за претстојниот викенд, а од Општина Гостивар најавија дека Советот на општината за 12 часот најави вонредна, комеморативна, седница.

Градоначалникот Арбен Таравари уште синоќа, по посетата на повредените на скопските клиники, изрази сочувство и најави помош за повредените. На седницата е најавено и присуство на претседателот на Владата, Зоран Заев.

Во поновата историја ова е најголемата трагедија која што ги погодила градот и околината.

МИА

ПОВРЗАНИ ВЕСТИ

Лавина реакции: Осуда на сите кои даваат политичка конотација на трагедијата кај Карпалак

Потресни видеа снимени неколку минути по трагичната несреќа на патот Скопје-Тетово

Веста за трагедијата кај Карпалак одекна во светските медиуми

Помеѓу загинатите и син на пратеник на СДСМ од Гостивар

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Фото) Шекеринска, Милошоски, Жерновски и Мицкоски „се помирија“ за вкусна италијанска храна

Никола Осило

(Видео) Ивана и Јулија Кнез заштитни лица за кампањата La Vita è Bella

Редакција

(Фото) Филипче сведок на емотивен момент: Садет ја најде Јасмина на која и помогна при автобуската несреќа кај Ласкарци

Редакција