Излезноста на првиот круг од претседателските избори во странство, каде што се гласа ден претходно, изнесува 38,51 отсто, додека во затворите излезноста е 55 отсто, соопштија од Државната изборна комисија (ДИК).
Бројките за излезноста во странство се некомплетни, бидејќи не е завршено гласањето во Северна Америка поради различните временски зони.
Најголема излезност до 18:30 часот имаше во дипломатско-конзуларните претставништва во Берлин (64,47%), Букурешт (64,29%), Загреб, (61,11%) Сараево (61,70%) и Хаг (60%), додека најмала излезност имаше во Венеција (26,55%), Копенхаген (30,77%) и Абу Даби (30%).
На 32 гласачки места во конзуларно-дипломатските претставништва на земјава се пријавиле 1.781 гласач.Од ДИК кажаа дека во затворите, каде што со право на глас се 1.640 лица, гласањето поминало без проблеми, а излезноста до 18:30 часот изнесува околу 55 отсто.
Гласале 3.064 болни или немоќни и седум лица во куќен притвор.