Комерцијална нема побарувања од Еуростандард банка и нема хипотека на зградата на банката

Во врска со вчерашната прес-конференција на бизнисменот Трифун Костовски за состојбите во Еуростандард банка, а со цел да се спречат можните шпекулации, од Комерцијална банка АД Скопје велат дека Еуростандард банка нема обврски кон Комерцијална банка.

„Точно е дека компанијата Гофи користи долгорочен кредит од Комерцијална банка во износ од околу 5 милиони евра. Побарувањето на Комерцијална банка по овој кредит е обезбедено со т.н. зграда на Поштенска банка и со дел од зградата Палата Македонија.

Зградата на Еуростандард банка не е под хипотека во Комерцијална банка, како што можеше да се стекне впечаток од изјавите дадени на вчерашната прес-конференција,“ се вели во соопштението на банката.

ПОВРЗАНИ ВЕСТИ

Костовски за пропаѓањето на „Еуростандард банка“: Правдата ќе ја барам во странство, ова е долго планиран атак

На пензионерите и корисниците на парични права не им е потребна одјава од „Еуростандард банка“, за да отворат сметки во други банки

НБРМ: Решението кое што се споделува на социјалните мрежи, не е документ со којшто се укинува дозволата за основање и работење на „Еуростандард банка“

Сите детали: Што треба да направат пензионерите кои земале пензии преку Еуростандард банка?