Заменик-министерот за животна средина и просторно планирање, Јани Макрадули чие што матично министерство упати апел да не се палат огнови, по палењето на бадниковите огнови синоќа, на неговиот Фејсбук профил објави фотографија од зголемени вредности за загаден воздух.
„Пагански или не, од вечерниве огнови може да заклучиме нешто. Очигледно не треба да се има дилема кој најмногу придонесува во создавањето на ПМ честичките.
И каде треба да се бара решението. А тоа е замена на греењето со дрва и други додатоци во нив. Затоа брзо ќе отвориме повик за замена на греењето со дрва заедно со дефинирање на зони на ниска емисија“, напиша Макрадули на Фејсбук.
И покрај апелот на надлежните, граѓаните синоќа во повеќе општини во Град Скопје запалија огнови.
Фото: Фејсбук/Макрадули