Интернет пенетрацијата е зголемена на 79,3 % опфат на домаќинствата во првото триемесечје од 2018 година, спрема 73,6 % во истиот период минатата година, вели Нина Ангеловска, претседател на Асоцијација за е-трговија на Македонија која е автор на најновото истражување во врска со состојбите во е-трговијата.
Исто така, подобрување има и во начинот на пристап потребен за обавување на е-трговија.
„Во Република Македонија 79,2 % од популацијата на возраст 15-74 години употребило интернет или околу 1,3 милиони жители. Од тоа машкиот пол повеќе (80,9%) од женскиот (77,4%). 97,5 од младите на возраст 15-24 години употребиле инетрнет, а најмалку употребувале интернет во страосната група 55-74 години (46,7%) во изминатите 12 месеци. Речиси секој ден интернетот го користат 68,7% од популацијата 15-74 години и тоа пак повеќе мажите од жените. За да пристапат до интернет најмногу користеле мобилен или паметен телефон дури 68,8% од интернет корисниците, потоа од лаптоп 41,1%, од десктоп 36,5% и 14% пристапиле од таблет“, вели Ангеловска.
ПОВРЗАНИ ВЕСТИ
За што Македонците во 2018 најмногу го користеле интернетот