Не стивнуваат реакциите во јавноста откако независниот пратеник, Павле Богоевски јавно призна дека на црно набавувал масло од марихуана, иако истото за медицинска употреба веќе со месеци се произведува и кај нас и се продава и на нашиот пазар.
Од ДУИ покренаа инцијатива секој пратеник и функционер да се тестира за користење наркотици и порачаа дека ќе почнале од нивните.
И од ВМРО-ДПМНЕ подржуваат вакво тестирање, СДСМ се уште не се изјасниле, а од Алијансата за Албанците пак побараа тестови за наркотици да прават не само функционерите и пратениците, туку и нивните најблиски членови од семејството.
Колку оваа инцијатива, која веќе се користи во многу нормални земји, ќе биде чудо за три дена и само собирање на политички поени и симпатии во јавноста или ќе стане реалност и во Македонија останува да видиме.
Ако веќе македонските политичари се тестираат за наркотици, еден предлог и од еМагазин: истите нека се тестираат и за физичко и ментално здравје. Тоа не е нешто ново, туку редовна пракса во многу земји.
Менталното здравје на американскиот претседател Доналд Трамп на пр. беше топ тема во САД со месеци.
Во случајот на Македонија вакви тестови и те како се потребни, имајќи во предвид до кое дереџе не донесоа нашите политичари изминативе децении, а некои од нив повеќе од очигледно имаа психички проблеми.
ПОВРЗАНИ ВЕСТИ
Тортевски се огласи за случајот Богоевски: „Пајо оставка веднаш, а другото во ОЈО“
По признанието на Богоевски: Оставка или амнестија на сите осудени за набавка на масло од канабис