еМагазин
Image default
Македонија ТОП СТОРИИ

Нимиц ја повика Грција да го ратификува Договорот од Преспа

Специјалниот пратеник на ОН во разговорите меѓу Скопје и Атина за прашањето за името, Метју Нимиц, ја повика Грција да го ратификува Договорот од Преспа, откако македонската страна ги исполни своите обврски.

Нимиц во пишаната изјава, што ја објави прес-службата на ОН, наведува дека владата во Скопје на 16 јануари формално ја известила владата во Атина и него како специјален пратеник дека е завршена постапката за промена на Уставот согласно со Договорот од Преспа, со што го исполни својот дел од обврските.

– По известувањето на поранешната југословенска Република Македонија дека се завршени постапките за усвојување на уставните амандмани и домашните правни процедури за стапување во сила на Договорот, од Преспа, според неговите одредби, ратификацијата последователно продолжува во Република Грција. Со нетрпение го очекувам завршувањето на процесот како што е наведено во Договорот, пишува Нимиц.

Додава дека ОН и тој како посредник и понатаму се посветени на процесот и на соработката со двете страни за конечно решавање на разликите меѓу нив.

Според најавите од Атина, парламентот на Грција денеска треба да ја почне процедурата за ратификацијата на Преспанскиот договор. Претседателот на парламентот, Никос Вуцис, изјави дека очекува целата постапка да биде заокружена со гласање до крајот на неделава.

МИА/Фото: Влада

ПОВРЗАНИ ВЕСТИ

Во Грција почнува процедурата за ратификација на Договорот од Преспа, се очекува да биде изгласан до петок

(ВИДЕО) На протестот за името Македонија во Атина сериозни инциденти и повредени најмалку 15 лица

(ВИДЕО) Шок бомби, солзавец и пиротехнички материјали за крај на протестот за името Македонија во Атина

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

„Катимерини“: Можен е датум за преговори со Северна Македонија во септември, Албанија ќе извиси

Никола Осило

ОПЕК го намалува производство на нафта: Не очекува поскапување на бензините

Никола Осило

„Ел те инженеринг“ го доби тендерот на ЕЛЕМ за ремонтни активности вреден 194.000 евра

Никола Осило