Премиерот Оливер Спасовски, вицепремирот за европски прашања, Бујар Османи, министрите за здравство и образование и наука, Венко Филипче и Арбер Адеми, кои се во самоизолација од минатата недела откако имаа контакт со градоначалникот на општина Куманово, Максим Димитриевски, кој е позитивен на Ковид -19, се чувствуваат добро и немаат никакви симптоми.
Ова го истакна министерот Филипче во одговор на прашање на денешната прес-конференција, оценувајќи дека сите биле во различен ризик и оти треба да направи тест премиерот во текот на оваа недела.
-Сите бевме во различен ризик. Сметам дека треба да направи тест премиерот во текот на оваа недела.
Чекаме да поминат најмалку седум дена, а после ќе ги пратиме препораките на епидемиолозите и согласно нашата здравствена состојба. Засега сите се во добра здравствена состојба без апсолутно никакви симптоми или тегоби, изјави Филипче.
МИА/Фото: Влада
ПОВРЗАНИ ВЕСТИ
15 вработени од маркетот во Велес, каде што имаше позитивен од корона вирусот, одат во самоизолација
Смртта на мајката и синот од Велес чии тела беа најдени во распаѓање, настапила во март
Општина Боговиње со најмногу, 24 заболени од коронавирусот во тетовскиот регион