Проф. Трајковски: „Тие што не се вакцинирале и не прележале нека не излегуваат од дома, во воздухот има заразни капки и аеросоли“

Проф. Дејан Трајковски во најновата анализа за состојбата со Ковид-19, препорачува, тие што не се вакцинирале, подобро е периодов да не излегуваат од дома.

„10.11.2021. После извесно време, одново се вративме на преку 20 починати дневно.

Со доцнење зад бројот на новодијагностицирани, започнува нов нагорен тренд и на бројот на починати (портокаловата линија на првиот дијаграм).

Исто така, на фазниот портрет H-I (хоспитализирани наспроти активни случаи, кривата одново заврти нагоре и надесно, што значи нов раст на бројот на активни и хоспитализирани).

Растот не е многу брз (една точка претставува една недела на овој дијаграм и истите не се многу оддалечени една од друга), но во секој случај се движиме кон нов врв.

Тие што не се вакцинирале и не прележале, најдобро да си купат по една вреќа брашно и грав и да не излегуваат додека ова не помине.

При голем број на новозаразени, во воздухот има голема концентрација не само на заразни капки, туку и на аеросоли.

Против нив не помага ни одржување растојание во затворени простории – на пример во маркети, а за диско клубови да не зборуваме, така што речиси е невозможно незаштитените да куртулат од заразување од Делта сојот на вирусот,“ вели Трајковски.

ПОВРЗАНИ ВЕСТИ

Проф. Трајковски: 10 дена беа доволни за да го видиме негативниот ефект на укинувањето на сите мерки за баровите, ноќните и диско клубовите

Проф. Трајковски: Доколку бројките на МЗ се точни, испаѓа дека дури и без трета доза, вакцинираните засега се прилично заштитени од смртен исход

Проф. Трајковски: „Aко овој чуден тренд на зголемување на ефективноста на вакцината против смртен исход продолжи да се зголемува, можеби бројките се штелуваат“

Фото: Трајковски/Фејсбук