Ќе дозволи ли унгарскиот премиер Виктор Орбан екстрадикција на екс-премиерот Никола Груевски е прашање што заслужува внимание посебно ако се земе имиџот на Орбан, кој во повеќе наврати поради пркосењето на одлуките на ЕУ и и воопшто на Западот и кокетирањето со Русија изгради имиџ на „лошо момче“ во Унијата.
„Блумберг“ и останатите светски медиуми веќе пишуваат дека сега Орбан се наоѓа меѓу чеканот и наковалната, бидејќи доколку контрира на притисокот од Европската Унија за екстрадикција на Груевски во Македонија, тоа ќе биде сфатено дека тој е руски играч.
Како и да е, со оглед на тоа што унгарските закони не дозволуваат екстрадикција додека трае постапката поврзана со барањето политички азил извесно е дека Груевски и Орбан ќе имаат време да играат на таа карта и да го одолговлекуваат екстрадирањето во земјава каде што Груевски треба да ја одлежи првата казна затвор од две години за набавката на луксузниот мерцедес.
Истовремено, никој не може да гарантира дека Груевски и доколку не добие азил ќе остане во Унгарија и дека нема да пребега на друго место. Во тој случај, Унгарија би избегнала одговорност, бидејќи ако македонските власти дозволија Груевски да им побегне пред очи, тогаш зошто истото не би се случило и во Унгарија.
Фото:Фејсбук/Никола Груевски
ПОВРЗАНИ ВЕСТИ
Ќе паднат ли оставки за бегството на Груевски?
Фарса не векот: Ќе ни остане ли за спомен од Груевски потерницата на МВР?