Нина Нинковиќ (11) од Нови Сад со продажба на крофни успеа да собере пари за лекување на нејзниот татко и го воодушеви Балканот.
Иако првиот ден продала само седум крофни, малата Нина не се откажала од намерата да му помогне на својот болен татко.
Откако информацијата за нејзината хумана акција се прошири по социјалните мрежи во Нови Сад луѓе во колони чекаа да купат крофни од нејзе, а помошта почна да стигнува од сите страни на Србија, а и од власта најавија помош за нејзиниот татко.
red za krofne preslatke devojčice koja ih prodaje i skuplja pare za lečenje svog tate 💘 pic.twitter.com/6l8nAgfHUy
— Filip Baloš (@FilipBalos1) June 27, 2023
„Прво, сакав да продавам крофни за џепарлак. Но, се сетив дека можам да му помогнал на татко ми да собере пари што е можно поскоро за неговите лекови. Затоа почнав да продавам за него“, вели таа.
Таткото на Нина, Зоран го изгубил видот во 2016 година поради откачување на мрежницата. Во март 2022 година повторно се случила аблација и била дијагностицирана офталмија и панувеитис, а со тоа бил загрозен животот на Зоран.
Тој оди на клиника и прима системска терапија, хемотерапија и имуносупресивни капки. По една година од појавата на фибрин, поради што видот му е заматен, се јавува изразена фотофобија. Се следи состојбата на целиот организам поради високи дози на хемотерапија.
Со акцијата беа собрани потребните средства за тој да замине на лекување во Москва.
Понатаму ќе бидат потребни средства за понатамошна дијагностика, прегледи, анализи, набавка на лекови, лекување во земјата и странство, како и за патни трошоци и сместување.
Акцијата за собирање пари за лекување ќе продолжи.
ПОВРЗАНИ ВЕСТИ
Фото/видео: novosadskatelevizija/Kurir