На ДУИ не и се допаѓа одлуката на претседателот Стево Пендаровски да го назначи Еролд Муслиу за директор на Агенцијата за разузнавање. Оттаму бараат претседателот да ја преиспита одлуката.
„Одлуката на претседателот Пендаровски за назначување на директорот на Агенцијата не вознемири сите и стави сенка на вчерашниот ден кога Собранието ја донесе реформата на безбедносните служби.
Нашите информации се дека одлуката се базира на недоволни информации и не е злонамерна.
Ставот на ДУИ е дека додека не се расветлат до крај Кумановските настани ниту еден човек кој бил дел од службите на Иванов не треба да биде на чело на такви сензитивни институции. Очекуваме дека претседателот ќе собере повеќе информации и ќе рефлектира по однос на неговата одлука“, изјави вицепремиерот за европски прашања, Бујар Османи.
ПОВРЗАНИ ВЕСТИ
Кој е Еролд Муслиу – првиот разузнавач што не и по ќеф на ДУИ?
Пендаровски го назначи Ерол Муслиу за нов директор на Агенцијата за разузнавање
Фото: Влада