еМагазин
Image default
ЖИВОТ ТОП СТОРИИ

Сите детали: Завршен увидот, следува истрагата за уривањето на авионот на Солунска Глава

Увидот на воздухопловот кој завчера се урна во близина на Солунска глава во кој загина пилотот и неговото семејство заврши вчера на местото каде што се пронајдени остатоците на „цесната“ на 2,200 метри надморска височина, истакна денеска на прес-конференција претседателот на Комитетот за истраги на воздухопловни несреќи и сериозни инциденти – КИВНСИ, Зоран Илиевски.

Тој информираше дека остатоците на авионот ќе бидат подигнати веднаш штом тоа ќе го дозволат временските услови, а дали ќе има потреба од вештачење на леталото, рече дека тоа ќе го покаже истрагата.

-На самото место направивме преку 400 професионални фотографии и видео снимки со професионален дрон што е многу важно за понатамошната истрага, појасни Илиевски.

Информираше дека денеска донел одлука за формирање на Комисија за истражување на несреќата во која покрај него и колегите од Комитетот, Зоран Велковски и Зоранчо Михалјов ќе бидат ангажирани и надворешни експерти од доменот на цивилното воздухопловството.

Посочи дека е во контакт со бугарскиот колега Христо Христов, кој веќе одредил двајца истражители кои ќе бидат на располагање на Комисијата во истрагата.

Одговарајќи на новинарско прашање дали пилотот добил дозвола за слетување на скопскиот аеродром, Илиевски рече дека во неговото досегашно искуство, не сретнал некаде некој да побара дозвола за слетување поради некоја причина, а да не ја добил. Тој потсети дека вчера и директорот на М-НАВ, Николче Тасески ја демантираше таа дезинформација дека пилотот не добил дозвола за слетување.

Илиевски рече дека дополнително ќе се побара информација од предвидувањата на метео службата од аеродромската контрола на летање на М-НАВ од аеродромот во Охрид, по која ќе се изјаснат дали времето влијаело на несреќата.

Претседателот на КИВНСИ појасни дека кога се работи за воздухоплов на генерална навигација, пилотите сами одлучуваат дали ќе летаат или не.

-Претходно во службата на навигацијата на било кој аеродром пилотот го најавува својот лет, бара информации кои му се потребни како што се метео информациите, прави план и го најавув, рече Илиевски и додаде дека пилотот сам си ја прави рутата, односно сам прави план на летање кој го доставува.

МИА/Фото: МВР

ПОВРЗАНИ ВЕСТИ

Телата на загинатите во авионската несреќа на Солунска Глава ќе се идентификуваат со ДНК-тест

М-НАВ: Пилотот на авионот кој се урна на Солунска Глава имаше дозвола за слетување на скопскиот аеродром

МВР објави видео од авионската несреќа на Солунска глава

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Галерија) Неоткриена убавина: Водопадот на реката Бабуна

Редакција

„Ем само Катица потпишува, ем СЈО не е само Катица. Не иде така другари„: Твитер реакции за Јанева и СЈО

Редакција

„Сектрон“ го доби тендерот на МВР за набавка на радио станици

Никола Осило