Владата на денешната 61-ва седница донесе oдлука за постоење на кризна состојба на дел од територијата на земјава заради висок ризик од зголемен обем на влез и транзитирање на мигранти и заради заштита на јавното здравје од илегална миграција во услови на постоење на пандемија од Ковид-19 односно спречување од негово ширење, со кои се загрозува безбедноста, здравјето и имотот на населението.
Со оваа одлука периодот за постоење на кризна состојба на дел од територијата на земјава се определува најмногу до 30 дена, почнувајќи од 1 април 2021 година.
Во врска со оваа одлука Владата донесе заклучок да се информира претседателот на државата и Собранието со предлог да донесе одлука за учество на дел од припадниците на Армијата во справувањето со кризната состојба.
Владата му препорача на Главниот штаб при Центарот за управување со кризи веднаш да започне со подготовка на акциски план за превенција и справување со ситуацијата на подрачјата на јужната и северната граница на земјава, како и целосен преглед за расположливи човечки и материјално – технички ресурси и план за координирано дејствување на институциите.
ПОВРЗАНИ ВЕСТИ