Министерот за финансии Драган Тевдовски денеска присуствуваше на вонредната седница на Стопанска комора која се одржа по повод најавите за воведување на прогресивниот данок.
Оправдувајќи ја даночната реформа, Тевдовски потенцираше дека во развиените, просперитетни земји дури се бараат уште повисоки даноци за најмоќните, најбогатите граѓани за да се обезбедат што повеќе пари за здравство, образование, подобри услуги.
-Ако не правиме корективни мерки, децата можеби ќе имаат полоши услови од нивните родители. Со плата како министер не можам да обезбедам моите деца да одат во приватно школо, а што е со огромниот број луѓе кои имаат многу пониска плата од министерската. Тоа значи дека мора да воведеме праведно оданочување за идните генерации да имаат повисок животен стандард. Го слушнавме гласот на народот, на бизнисмените, затоа и прагот го зголемивме и е поставен кај прогресијата на еден процент од луѓето со највисок доход, рече министерот.
ПОВРЗАНИ ВЕСТИ
Анѓушев: Јас сум еден од тие кои подлежи на новиот данок
Фото: Министерство за финансии