Го направивме невозможното, докажувајќи дека чудата се можни. Во тешки околности, го решивме најголемиот проблем од независноста, што Македонија упорно ја влечеше назад, напиша на својот Фејсбук профил министерот за надворешни работи, Никола Димитров, откако Собранието претходно денеска ги изгласа уставните измени, кои произлегуваат од Договорот од Преспа.
-Ја преземавме одговорноста на нашата генерација, да ја зацврстиме државата и да направиме услови за подобра и посигурна иднина за идните генерации. Го зачувавме најважното, македонскиот идентитет, а нашата Македонија ја разграничивме од нашите соседи, вели Димитров.
-Ви благодарам на поддршката кога беше најтешко, на советите, но и на критиките. Горд сум на македонскиот народ, на нашите сограѓани Албанци, Турци, Срби, Власи, Роми, Бошњаци и сите други. Покажавме дека во нашата Македонија, живее идното, европско лице на Балканот. Кога сакаме, можеме. Сега засукани ракави, да си ја направиме европска во секоја смисла. Секој во своето. Ќе не’ биде!, пишува Димитров.
ПОВРЗАНИ ВЕСТИ
Детална листа: Кои пратеници изгласаа промена на името на државата во Северна Македонија
Хан, Могерини, Столтенберг честитаа за уставните измени, никој не спомнува Северна Македонија
Македонија станува Северна Македонија: Гласаа 81 пратеник
Фото: Влада