Власта и опозицијата ги прекршија сите рокови и едвај се усогласија за начинот на избор на новите членови на Државната комисија за спречување на корупцијата за на крај изборот уште на старт да добие црна дамка и тоа затоа што за член на комисијата меѓу другите беше избран и Нури Бајрами, баџанак на претседателот на Собранието, Талат Џафери.
Џафери не гледа ништо спорно во тоа што сопругот на неговата сестра стана член на комисијата, а спорни моменти нема ниту за Бајрами.
Сепак, тие двајцата треба да знаат дека станува збор за чувствителна позиција и дека иако законски нема ништо спорно, ваквиот избор носи сомнежи за работењето на целата комисија.
Колку и да се добри намерите на Бајрами и колку и да е тој квалификуван, македонската јавност во иднина треба да верува дека доколку Антикорупциската комисија отвори случај за Џафери или некој друг висок функционер од ДУИ, неговиот баџанак нема да биде изложен на „семеен притисок“ за да се заташка евентуално коруптивно однесување.
ПОВРЗАНИ ВЕСТИ
Билјана Ивановска избрана за претседател на Антикорупциска, кои се другите нови членови
Фото: Собрание