Најголем процент од граѓаните, 39,9%, во најновата анкета на Телма и МЦМС, што ја напрви агенцијата М-проспект, одговориле дека немаат доверба во ниту еден политичар.
Лидерот на СДСМ и премиер Зоран Заев има рејтинг од 21,4%, но рејтингот му е во благ пад.
Лидерот на ВМРО ДПМНЕ, Христијан Мицковски е зад него со 14 процентни поени, со раст во личниот рејтинг, а пад на рејтингот има и кај претседателот Ѓорге Иванов, чиј рејтинг застанува на само 6 отсто.
Следува лидерот на ДУИ, Али Ахмети со 5,7, лидерот на Алијансата за Албанците, Зијадин Села со 3,8 и азилантот Никола Груевски, чиј рејтинг е во слободен пад со 2,7%.
Големата поддршка на Заев доаѓа и од популарноста кај Албанците – со 17,6% поддршка, тој е втор лидер по популарност кај етничките Албанци. Прв е Ахмети со 23 %, а трет Села со 16 %.
Анкетирани се 1.014 испитаници, телефонски, во периодот од седми до 15 ноември.
ПОВРЗАНИ ВЕСТИ
Анкета на Телма и МЦМС: СДСМ најпопуларна кај Албанците, ВМРО ДПМНЕ кај Македонците
Анкета на Телма и МЦМС: Граѓаните не сакаат ни амнестија за упадот во Собрание, ни избори
Фото: Влада