Не престануват реакциите на граѓаните на социјалните мрежи за загадувањето на воздухот, но и на водата во реките во Македонија во кои вчера се празнуваше големиот христијански празник Богојавление – Водици.
Меѓу нив, е и еден од најпознатите македонски писатели Томислав Османли кој на својот Фејсбук профил напиша „Какви Водици во гнасни води, какво Богојавление кога ни прст пред око не се гледа“.
Неговиот коментар се чини е најсоодветен со оглед на тоа што Скопје беше на врвот на светската листа на најзагдени градови.
Истовремено, Граѓанско демократската унија на својот Фејсбук профил објави видео од кое може да се види во каква вода се скокаше по крстот во Штип.
„Погледнете како изгледа системот и каде денеска беше фрлен Светиот крст во водите на река Брегалница. Додека верниците скокаа во светите води на реката, фекалии им капеа на главите. Тоа не им сметаше на локалните челници да се сликаат, снимаат и да објаснуваат колку големи верници и одговорни политичари се.
Вакво сквернавење на настанот и Светиот крст не се памети во историјата на Христовата вера никаде по светот! Додека премиерот Заев повикува да се очистиме од гревовите кои сме ги направиле во светите води, неговиот потпретседател Бочварски ги искапи штипјани во фекалии. Срам, резил и огромна неодговорност!“, напишаа од ГДУ.
Во Штип е фатен Светиот крст но можеби и Ешерихија коли од изметот!!! Срам, резил и неодговорност! Погледнете каде беше фрлен Светиот крст во Ново Село- Штип. На прес-конференција на 17 декември 2018 година, претседателот на ГДУ-Штип Борче Пачемски, постави прашање до градоначалникот и локалната самоуправа, зошто градот изгубил 10 милиони евра за реконструкција на колекторскиот систем во нашиот град? За жал општината немаше конкретен одговор. Погледнете како изгледа системот и каде денеска беше фрлен Светиот крст во водите на река Брегалница. Додека верниците скокаа во светите води на реката, фекалии им капеа на главите. Тоа не им сметаше на локалните челници да се сликаат, снимаат и да објаснуваат колку големи верници и одговорни политичари се. Вакво сквернавење на настанот и Светиот крст не се памети во историјата на Христовата вера никаде по светот! Додека премиерот Заев повикува да се очистиме од гревовите кои сме ги направиле во светите води, неговиот потпретседател Бочварски ги искапи штипјани во фекалии. Срам, резил и огромна неодговорност!
Posted by Граѓанско Демократска Унија-ГДУ-Штип on Сабота, 19 јануари 2019
Видео:Фејсбук/ГДУ
ПОВРЗАНИ ВЕСТИ
„Урнебесни видеа“: Водици во Валандово, Струга, Тетово, Кратово, Селце, Моришта…
Твитер „зовре“: „Само ние и бубашвабите можеме да издржиме вакво загадување„