Голем интерес во регионалните медиуми предизвика гласањето во македонското Собрание за отпочнување на процедурата за промена на Уставот, што е предвидено со договорот за името со Грција.
“Македонија и официјално го менува името“, „Параламентот одлучи Македонија да стане Северна Македонија“, „Бившата југословенска република Македонија има ново име“, “Еве како ќе се вика Македонија„… се само дел од доминатните наслови во српските, хрватските, словенечките, бугарските и албанските медиуми.
Освен оваа информација, поденакво се пренесува и информацијата дека ВМРО-ДПМНЕ исклучила 7 нејзини пратеници, откако тие гласале „за“, а дел од медиумите и прашуваат по која цена истите се одлучиле да подржат уставни измени.
Медиумите ги пренесуваат и низата пораки на европски и светски политичари, кои ја поздравуваат одлуката македонското Собрание да го отвори Уставот, како и изјавата на премиерот Зоран Заев, по гласањето.
ПОВРЗАНИ ВЕСТИ
Почнуваат уставните измени: Добро утро, Северна Македонија
Што пишуваат грчките медиуми за стартот на уставните измени
Веста за промената на името одекна во светските медиуми