Во Битола дневните броеви на нови случаи продолжуваат да растат (зелената линија на првиот дијаграм). Веќе расте и бројот на активни случаи (на вториот дијаграм), пишува проф. Дејан Трајковски во најновата анализа за ковид состојбата во Македонија.
„Дали топлото време ќе го сопре овој раст или сме во подножјето на нов бран? Интересно е што досегашните бранови се повторуваа со период од околу 4-5 месеци.
Иако со истиот период доаѓаа нови соеви на вируси, периодичноста можеби може да се објасни и со падот на колективниот имунитет после 4-5 месеци.
Тоа беше случај при еднократно прележување или вакцинирање со една или две дози.
Но, ако овие бранови продолжат да се повторуваат со истиот период, при постоечкиот број на двојно прележани и прележани-вакцинирани, тоа би била лоша вест за понатаму.
Тоа би значело дека уште долго време епидемијата ќе осцилира како јо-јо, иако со допрележувањето на целата популација не би требало да има толку многу смртни случаи. Но, да видиме како ќе помине и овој мини бран,“ пишува Трајковски на Фејсбук.
ПОВРЗАНИ ВЕСТИ
Проф.Трајковски: За две недели, стелт омикронот ќе има 100% удел во новите случаи со Ковид-19
Проф. Трајковски: Падот на новодијагностицирани со Ковид-19 виси на конец
Фото: Трајковски/Фејсбук