Вчера во Македонија беа регистрирани 29 новозаболени со коронавирусот, со што вкупната бројка на заболени со овој вирус во Македонија се искачи на 177 лица.
“На 24.03.2020 година, пријавени се вкупно 29 нови случаи на COVID-19 од 5 градови – Скопје (20), Куманово (3), Велес (3), Прилеп (2) и Дебар (1).
Најголем дел од регистрираните случаи се на возраст од 50-59 години (11), а во однос на дистрибуцијата по пол, 17 машки и 12 се женски.
Хоспитализирани се пет лица, а останатите се на домашно лекување (асимптоматски или со лесна клиничка слика).
Кај седум лица е регистрирано присуство на коморбидитети.
Вкупно 19 лица имале контакт со веќе потврден случај на COVID-19 во државата“, стои во анализата на последните податоци од страна на Институтот за јавно здравје.
ПОВРЗАНИ ВЕСТИ
Бројот на заболени здравствени работници со коронавирусот се искачи на 17
Велес и Прилеп нови места со лица заболени од коронавирусот: Како изгледа мапата по градови
Двајца припадници на Армијата, подофицер и војник позитивни на коронавирусот
Не е сосема сигурно дека коронавирусот ќе исчезне во летниот период