Министерството за здравство информира дека до 16 часот дијагностицирани се шест нови пациенти, заболени со коронавирусот.
„Се работи за едно девојче од Штип на четиригодишна возраст, кое се инфицирало во градинка во Англија. Семејството се вратило во земјата на 14 март и било во домашна излоација. На тестирање се јавиле вчера, два дена откако девојчето ги почуствувало првите симптоми.
Во Дебар се регистрирани три нови случаи на коронавирус, тестовите се направени во рамките на скринингот.
Во Скопје е регистриран еден случај, контакт на претходно дијагностицираните.
И во Гостивар е потврден случај на коронавирус. Се работи за жена вратена од Швајцарија која била во домашна изолација. На тестирање се јавила сама, а на епидемиолошката анкета навела дека имала контакт со заболен во Швајцарија,“ соопштуваат од Министерство за здравство.
Во моментов се тестираат 35 лица, за кои Министерството за здравство ќе извести веднаш по добивање на резултатите.
ПОВРЗАНИ ВЕСТИ
БРАВО: Гифти текс од Прилеп на свој трошок почна да произведува заштитни маски, кои ќе се донират