Гласањето во македонското Собрание за стартот на процесот за уставните измени, предвидени со договорот за името со Грција, кое предизвика лавина од позитивни и негативни реакции во јавноста и се уште е во фокусот не само на македонските, туку и светските медуми беше првата фаза од оваа процедура.
Сега следат уште две фази, а за завршување на целиот процес ќе бидат потребни најмалку три месеци.
Во периодот што следи Владата треба до Собранието да ги достави уставни амандмани за кои пак ќе се гласа. За да оваа втора фаза се заокружи во Собранието ќе бидат потребни гласовите на најмалку 61 пратеник, што мнозинството ги има и без пратениците од опозицијата.
Потоа следи јавна дебата и консултации, а за финалната трета фаза, во Собранието повторно ќе бидат потребни гласови на најмалку 80 пратеници или двотретинско мнозинство.
Премиерот Зоран Заев се надева дека во текот на процедурата ќе се зголеми бројот на пратеници кои ќе се застанат зад уставните измени.
ПОВРЗАНИ ВЕСТИ
Стартува промената на Уставот: Која е процедурата понатаму
„Македонија официјално го менува името“: Што пишуваат регионалите медиуми
Што пишуваат грчките медиуми за стартот на уставните измени
Веста за промената на името одекна во светските медиуми