Институцијата од која без дилема „излегуваат“ најмногу лажни вести е македонското Собрание.
Поради тоа што во Собранието пратениците имаат имунитет, кој ги штити и за тоа што ќе го изјават, изминативе неколку години сме биле сведоци на бројни лажни вести соопштени токму од собраниската говорница.
Пратеникот на ВМРО-ДПМНЕ, Антонио Милошоски деновиве се најде во небрано откако на негова изјава во Собранието, регираа Почесниот конзулат на Република Белорусија во Скопје и Амбасадата на Република Белорусија во Белград, посочувајќи дека тоа што го кажал пратеникот во Собрание е лажна вест.
Реагираше и Милошоски, кој соопшти дека неговата изјава се базирала на информации од медиумите, а за реакцијата на белорускиот конзул рече дека била навреда и клевета.
Милошоски не е единствениот пратеник кој бил посочен дека шири лажни вести. Речиси и да нема пратеник од било која партија, кој барем еднаш од говорница не соопштил лажна вест, лажно обвинил или дал лажно ветување.
Така да, Владата која отвора фронт за борба против лажните вести и дезиформации, не би било лошо стратегијата најпрво да ја презентира во Собрание.
ПОВРЗАНИ ВЕСТИ
Заев ќе се бори против лажните вести на Заев