А1он објави дека поранешниот македонски премиер, сега пратеник, Никола Груевски, по добивањето на политички азил од Унгарија, може да добие документ за лична идентификација, но и двојазичен патен документ со кој ќе може да патува во која било земја што ќе му дозволи влез.
Но, напуштањето на Унгарија за Груевски ќе биде опасност, бидејќи може да биде уапсен и екстрадиран во Македонија затоа што МВР има активирано меѓународна потерница по него за издржување двегодишната казна затвор за случајот „Тенк„ на Специјалното јавно обвинителство.
Тој ќе има право на здравствена заштита, вработување, гласање на избори за градоначалници и локални референдуми.
Груевски ќе има заштита од Унгарија три години, а потоа ќе треба да го обнови статусот на бегалец, а Канцеларијата за имиграција и азил може да одлучи да го повлече статусот на азилант.
Како и сите други бегалци што добиле азил во Унгарија, така и Груевски од државата може да добие државно сместување 30 дена, кое моментно не го користи. Тој нема да добива финансиска поддршка од Унгарија, што значи дека ќе мора да работи или да најде друг начин за да ги плаќа тековните трошоци што ги има во земјата каде што сега живее.
По три години непрекинат престој во Унгарија, Груевски ќе може да биде и нејзин државјанин.
Целата сторија на А1он, ОВДЕ.
ПОВРЗАНИ ВЕСТИ
Мицкоски е за екстрадција на Груевски и го осудува неговото бегство
(Фото) Груевски на насловна на унгарскиот магазинот ХВГ: “Ја сакам Унгарија“
Паѓаат ли во вода уставните измени по притворот за Мијалков и азилот за Груевски?
Фото: Фејсбук/Груевски